Mathiravstooba 15

متھیرا اور طوبیٰ انور کے درمیان سوشل میڈیا پر تکرار

پاکستانی معروف میزبان و ماڈل متھیرا اور اداکارہ طوبیٰ انور کے درمیان سوشل میڈیا پر تکرار ہوگئی۔

اداکارہ طوبیٰ انور نے حال ہی میں برطانوی نشریاتی ادارے کو ایک انٹرویو دیا تھا۔

اُنہوں نے اس انٹرویو میں خواتین پر تشدد کے بارے میں بات کرتے ہوئے اپنا موازنہ مقتولہ نور مقدم کے ساتھ کیا۔

اُنہوں نے کہا تھا کہ ’جب نور مقدم والا واقعہ سامنے آیا تھا تو اس وقت میں بھی اپنی زندگی میں بہت تکلیف سے گزر رہی تھی، حالانکہ میں نور سے کبھی ملی نہیں ہوں لیکن میں وہ سب کچھ محسوس کرسکتی ہوں جوکہ نور کے ساتھ ہوا کیونکہ نور نے جن چیزوں کا سامنا کیا میں بھی اپنی زندگی میں ان تمام چیزوں کا سامنا کرچکی ہوں‘۔

اُنہوں نے کہا کہ’میں سب کچھ بتا تو نہیں سکتی لیکن میں نہیں جانتی کے ہمارے معاشرے میں مظلوم کو ہی قصور وار کیوں ٹہرادیا جاتا ہے‘۔

میزبان و ماڈل متھیرا کو طوبیٰ انور کا نور مقدم کے ساتھ اپنا موازنہ کرنا پسند نہیں آیا۔

اُنہوں نےطوبیٰ انور کے ان خیالات پر اپنے ردِعمل میں کہا کہ عامر بھائی نے طوبیٰ کی انٹرٹینمنٹ انڈسٹری میں قدم رکھنے میں مدد کی، اس لیے صرف لوگوں کی توجہ حاصل کرنے کے لیے طوبیٰ انور کو اس طرح کے انٹرویو دینا بند کرنے چاہئیں اور اس بات کا بھی خیال رکھنا چاہیے کہ عامر بھائی اب اس دنیا میں نہیں رہے۔

متھیرا اور طوبیٰ انور کے درمیان سوشل میڈیا پر تکرار

اُنہوں نے طوبیٰ انور کو مشورہ دیا کہ مرحوم لوگوں کو معاف کرنا اور ان کی عزت کرنا سیکھیں۔

متھیرا کی جانب سے ہونے والی اس تنقید پر طوبیٰ انور بھی خاموش نہ رہ سکیں اور جواب میں انکشاف کیا کہ ’میں نے متھیرا کو اپنی باتوں کی وضاحت دینے کے لیے فون بھی کیا لیکن اُنہوں نے میری کال موصول نہیں کی‘۔

یہ بھی پڑھیں: -   سنی لیونی سوشل میڈیا پر تنقید کرنے والوں کے ساتھ کیا کرتی ہیں؟

اُنہوں نے کہا کہ ’متھیرا کو مجھ پر تنقید کرنے سے پہلے مکمل انٹرویو دیکھنا چاہیے اور دوسروں کی ذاتی زندگی میں مداخلت کرنے سے پہلے سوچنا چاہیے‘۔

اُنہوں نے مزید کہا کہ’انٹرویو کے دوران دیے گئے میرے بیان کے ترجمے میں اس کی صحیح تشریح نہیں کی گئی‘۔

جیو نیوز

اس خبر پر اپنی رائے کا اظہار کریں

اپنا تبصرہ بھیجیں