Power Bank 30

دنیا کا سب سے چھوٹا اور تیزرفتار پاوربینک

نییویارک: ماچس کی ڈبیا سے کچھ بڑا یہ آلہ دنیا کا طاقتور ترین اور تیزرفتار پاوربینک ہے جو کراؤڈ فنڈنگ ویب سائٹ انڈی گوگو سے سرمایہ کاری کے تمام مراحل عبور کرچکا ہے۔

اس کا نام ’ایئربینک‘ رکھا گیا ہے جومقناطیس کے بغیر کسی بھی فون کی پشت سے جڑسکتا ہے۔ اس کے اندر ایک طرح کا سکشن (چپکنے والا) نظام ہے جو اسے کسی بھی سطح سے چپکنے میں مدد دیتا ہے اور اسی بنا پر یہ 5500 ایم اے ایچ قوت سے فون کو برق رفتار چارجنگ فراہم کرتا ہے۔

اسے دنیا کا سب سے چھوٹا وائرلیس پاور بینک کا اعزاز بھی حاصل ہے۔ یہ خاص طور پر ڈیزائن کیا گیا ہےکہ دورانِ چارجنگ اس کے سہارے بھاری اسمارٹ فون بھی ٹک سکتا ہے۔ سب سے اہم بات یہ ہے کہ ایئربینک کے بدولت اب بھاری بھرکم اور بڑے پاوربینک کی ضرورت نہیں رہتی۔ پھر تاروں سے جوڑنے کی ضرورت بھی ختم کردی گئی ہے۔
tinywow

پاور بینک کی پشت پر نرم ربر کے گول سکشن پمپ لگائے گئے ہیں جن سے وہ فون پر چپک جاتا ہے۔ اس کے دو فائدے ہیں کہ اول تو مقناطیس ہر فون پر چپک نہیں سکتا اور دوم اس عمل میں چارجنگ بھی ضائع ہوجاتی ہے۔ جبکہ ایئربینک میں یہ عمل نہ ہونے کے برابر ہے۔

اس طرح یہ کسی بھی فون سے منسلک ہوکر اسے تیزی سے چارج کرسکتا ہے جبکہ دیگر فون کے لیے اس میں تار بھی شامل کیا گیا ہے۔ دنیا کے سب سے چھوٹے پاوربینک سے بھی 30 فیصد چھوٹا ہے لیکن اس کی کارکردگی دوگنا ہے۔ اسے بنانے والی کمپنی اومارکو کا کہنا ہے کہ ایئربینک کو ہرطرح کی سخت آزمائش سے باربار گزارا گیاہے۔

یہ بھی پڑھیں: -   اسپن ہتھیاروں سے لیس کینگروز پاکستان آئیں گے

اسی طرح تجربہ گاہ اور حقیقی زندگی میں اسے کئی لوگوں نے ایک عرصے تک ٹیسٹ کیا ہے اور اس کے بعد ہی مصنوعات کی فروخت شروع کی گئی ہے۔

ایئربینک کی قیمت 78 امریکی ڈالر رکھی گئی ہے۔

اس خبر پر اپنی رائے کا اظہار کریں

اپنا تبصرہ بھیجیں