Pak-Turky MOU 119

پاکستان اور ترکی کا صلاح الدین ایوبی کی زندگی پر ڈرامہ بنانے کا اعلان

استنبول: پاکستان اور ترکی نے مسلمان ہیرو صلاح الدین ایوبی کی زندگی پر مشترکہ کوششوں کے تحت ڈرامہ سیریز بنانے کا اعلان کیا ہے، دونوں ممالک کے پروڈکشن ہاؤسز مل کر اس منصوبے کو پایہ تکمیل تک پہنچائیں گے۔

اس ضمن میں ترک پروڈکشن ہاؤس اکلی فلمز اور پاکستانی ادارے انصاری اینڈ شاہ فلمز کے درمیان ترکی میں معاہدہ طے پاگیا۔ ترک پروڈیوسر ایمرے کونک نے ٹویٹر پر پوسٹ میں معاہدے کی تصدیق کی اور منصوبے کے لیے نیک خواہشات کا اظہار کرتے ہوئے کہا کہ یہ سیریز دونوں ممالک اور آرٹ کی دنیا کے لیے مفید ثابت ہوگی۔

ترک پروڈیوسر کے مطابق سیریز کی کاسٹ میں دونوں ممالک کے اداکار شامل ہوں گے، اسے ترک مقامات پر فلم بند کیا جائے گے جس کے تین سیزن ہوں گے۔

انہوں نے مزید کہا کہ مجھے احساس ہے کہ اس منصوبے کی تکمیل کتنی دشوار ہے تاہم مشکلات کے باوجود مجھے اس ہستی کی زندگی پر  فلمبندی کی خوشی ہے جس نے تاریخ اور دنیا میں اپنا نشان چھوڑا۔

ویب ڈیسک
یہ بھی پڑھیں: -   بہت شدید ہیں میرے وجود کے زخم

اس خبر پر اپنی رائے کا اظہار کریں

اپنا تبصرہ بھیجیں