fatimasana 124

آئی سی سی پلیئر آف دی منتھ کیلیے پاکستان کی فاطمہ ثنا بھی نامزد

دبئی: آئی سی سی پلیئر آف دی منتھ ایوارڈ کیلیے پاکستان کی فاطمہ ثنا بھی نامزد کرلی گئیں۔

ماہ جولائی کے دوران ان کی ویسٹ انڈیز کے خلاف سیریز میں کارکردگی کی بنیاد پر ان کا نام ایوارڈ کیلیے فہرست میں شامل کیا گیا ہے، انھوں نے ون ڈے سیریز میں سب سے زیادہ وکٹیں لیں تھیں جبکہ ٹی 20 میں بھی مشترکہ ٹاپ وکٹ ٹیکر ثابت ہوئی تھیں، پانچویں ون ڈے میں انھوں نے اننگز میں 5 وکٹوں کا کارنامہ انجام دے کر پاکستان کی ویسٹ انڈیز کے خلاف 22 رنز کی فتح میں کلیدی کردار ادا کیا تھا۔

اسی مقابلے میں انھوں نے 19 بالز پر 28 رنز بھی بنائے تھے، جس میں 4 باؤنڈریز بھی شامل تھیں۔ پلیئر آف دی منتھ ایوارڈ کیلیے ان کا مقابلہ ویسٹ انڈیز کی ہیلی میتھیوز اور اسٹیفنی ٹیلر سے ہوگا۔ ادھر مینز ایوارڈ کیلیے بنگلہ دیش کے شکیب الحسن، آسٹریلیا کے مچل مارش اور ویسٹ انڈیز کے ہیڈن والش جونیئر کو نامزد کیا گیا ہے۔

express-News
ایکسپریس

یہ تحاریر ایکسپریس نیوز کی اجازت سے شائع کی جاتی ہیں. مزید پڑھنے کے لیے یہاں کلک کریں.

یہ بھی پڑھیں: -   اداکارہ شوئیتا تیواری ہندوؤں کے مذہبی جذبات مجروح کرنے پر مشکل میں

اس خبر پر اپنی رائے کا اظہار کریں

اپنا تبصرہ بھیجیں